KRALENDIJK – Den un informe dirigí na mayor(nan) ku tin yu(nan) ta bishitá Kolegio Rayo di Solo i Kolegio Strea Briante, direktiva di e skol ta informá lo siguiente: “Nos a kompronde di Alfa I Omega ku nan no por entregá unifòrm na e momentunan aki i nan no sa si nan lo por hasi esaki riba término korto. P’esei a tuma desishon ku pa e aña eskolar aki, alumnonan di Kolegio Rayo di Solo i Kolegio Strea Briante por bisti e ünifòrmnan ku nan tin kaba òf un “polo shirt” hel. Pa esnan ku no tin unifòrm di gemnastik, por bisti un “t-shirt” hel òf blanku ku un shòrt desente riba dianan ku tin gemnastik.
Tambe nos ta mantené nos mes na e instrukshonnan di Gezaghèber en konekshon ku e pandemia di Covid-19. Kual ta reglanan di higiena i distansia. Den e kuadro aki no ta permití mayornan subi tereno di skol bou di ora di skol.
Nos ke desea tur hende un felis fin di fakansi grandi i bon bini bek na skol pa nos muchanan.

Share This
error: Content is protected !!