KRALENDIJK – Awe djadumingu anochi algu pasá di 8’or, a sosodé un aksidente di tráfiko riba kaya Nikiboko Sùit na altura di Lisa Convienence Store. Pa motibunan ku ahinda ta bou di investigashon, 2 outo di famia a dal frontal den otro pa despues unu bai dal kontra kurá di un kas. E choke tabata fuerte ku a drai un di vehíkulo nan 360 grado. A pidi ambulans na e sitio i 3 persona a wòrdu transportá pa hòspital pa tratamentu médiko, di kua un di nan su situashon tabata di atenshon. E karetera a keda será pa basta unratu pa investigashon i pa kita e vehíkulo nan for di riba kaminda. CRS ku ta atendé asuntunan di seguro a registrá e aksidente aki.

Share This
error: Content is protected !!