KRALENDIJK – Djadumingu 16 di ougùstùs 2020 den oranan di mardugá pa mainta, malechornan a kibra un bentana grandi na entrada di e ‘store’ nobo di OMNI Electronics na kaya Amsterdam. A purba destruí e porta di entrada promé pero no a logra kibra esaki. Den e di dos intento pa drenta den e negoshi, a kibra e bentana grandi di glas na banda di e porta prinsipal. E tiponan aki a logra di bai ku algun televishon flatscreen i telefonnan selular di marka Samsung. E telefonnan selular ku a logra di bai kuné, tur tin skibí patras di dje “DEMO”, ku no ta telefonnan pa bende, si no pa muestra. Si bo a mira algun moveshon straño awe mardugá riba kaya Amsterdam òf un persona a ofresé bo televishon i/òf telefon hòrta, tuma kontakto mesora ku polis na number 911. E kaso ta bou di investigashon.

Share This
error: Content is protected !!