KRALENDIJK – Awe 17 di ougùstùs 2020 ya a pasa 4 aña kaminda pa promé bia den historia na Boneiru, un polis riba trabou a pèrdè su bida. Ta trata di agente polisial Ferdinand ‘Ferry’ Bakx(†), miéntras e tabata den e bario di Sabadeco pa asistí na un kaso di atrako armá, a bin pèrdè su bida. E no tabata su so, sinembargo su kolega tabata otro banda di e sitio, kaminda e kos a sosodé. Un di e atrakadónan a tira dirigí riba agente Bakx, momentu ku el a presentá dilanti di un di e atrakadónan ku tabata saliendo for di e kas, kaminda nan tabata hòrtando. E hòmber Venezolano kende a tira Bakx a lamentá inmensamente loke a sosodé, i a pidi e famia sòri ku awa na wowo. Tur aña koleganan di KPCN ta rekordá nan kolega, kende a bai nan dilanti. Awe a konmemorá 4 aña fayesementu Ferry Bakx, i esaki a sosodé den seno di koleganan di kuerpo polisial Karibe Hulandes.   

Share This
error: Content is protected !!