KRALENDIJK – E ekipo di futbòl veterano di Nort Saliña Kunuku Bieu ku Nort Saliña Vets, djasabra último den oranan lat di anochi den Stadion Kralendijk na Playa, a titulá kampion di e torneo di futbòl veterano di s.v. Deportivo di Playa.
E partido final tabata entre e ekiponan Nort Saliña Vets i Arriba Perú, partido ku ningun di e dos ekiponan a baha kabes pa otro, e partido ku a finalisá ku empate di 2-2.
E golnan di Nort Saliña Vets den e partido tabata di Roger Boekhoudt i Nielsen Christiaan.
Ku e resultado aki i pa yega na un ganadó, a bai over na pinalti.
Tabata na pinalti ku Nort Saliña Vets a mustra superioridat i bai ku e viktoria di 8-7 pa titulá kampion un bia mas di otro torneo, despues ku kiper Junny Thomas a para un pinalti.
E pinalti desisivo di e partido tabata di Terence a Costa Gomez pa bai ku e título máksimo di e torneo.
Ku e resultado aki e ekipo di e peruanonan bibá aki riba nos isla a keda di dos lugá o sea supkampion di otro torneo.

Premiashon.
Nort Saliña Vets kampion.
Arriba Perú supkampion.
Tera Blanku di tres lugá.
FC Champs di kuater lugá di e torneo.
E ekipo di ATM ta e ekipo mas disipliná di e torneo.
Pabien na e ekiponan ku a kai den premiashon.
Riba potrètnan e parti premiashon i ekipo kampion, tambe rèfri ku a dirigí e partido.

Share This
error: Content is protected !!