KRALENDIJK – Awe djaluna alrededor di 5’or di atardi a tuma lugá un aksidente di tráfiko entre un skuter i un pikòp trùk na e krusada di kaya Papa Cornes, Hanchi Amboina i kaya Marcela. E trùk tabata biniendo for di den Hanchi Amboina i kier a sigui stret drenta Kaya Marcela i no a mira e skuter ku tabata biniendo riba Kaya Papa Cornes bayendo direkshon di Kaya Korona i dal e skuter na altura di su tayer parti dilanti i lastr’e bai kuné den Kaya Marcela. E skuter a keda pegá bou di e trùk. Shofùr di e skuter a keda bentá na suela i tabata keha di doló na su lomba i barika. Ku ambulans a transport’e pa hòspital pa tratamentu médiko. Polis tabata na e sitio pa dirigí tráfiko mirando ku e orario ku e aksidente a sosodé ta un unu basta drùk. Shofùr di e trùk no por a mustra un reibeweis bálido i a haña un but pa esaki. CRS a presentá na e sitio pa atendé asuntunan di seguro i pa registrá e aksidente.

Share This
error: Content is protected !!