KRALENDIJK – Pa promé bia a sosodé na Boneiru kaminda ta duna e coachnan di e deporte futbòl un sekshon di práktika spesial. Ta trata di e adultonan despues ku siman pasa e hóbennan a risibí lès. Ta trata di coachanan pa e deporte di futbòl na Boneiru. Bert Zuurman a bini spesialmente for di Hulanda pa medio di KNVB, pa duna e lès na coacnan di futbòl na Boneiru. Esaki ta un plan ku Federashon Fudbòl Bonaire (FFB) tin, ku un durashon di 4 aña.    

Meta di e práktika ta pa duna mas struktura na e desaroyo di futbòl di Boneiru hubenil i señor. E idea ta pa tur coach risibí un rekonosementu, pa asina nan ta sertifiká pa lisensia D i lisensia C. E dosente di KVVB Bert Zuurman, ku ta spesial na Boneiru i huntu ku Chio Semeleer, kende ta kordinadó tékniko na Boneiru, a guia e proseso di e dia. 12 coach a partisipá na e aktividat durante e dia. Coachnan tabata di Atletico Flamingo, Estrellas, Juventus, Vespo, ATC i Young Boys. 
Sigur tabata hopi importante pa tuma parti i a risibí hopi informashon balioso. Ta un obligashon pa tur coach ta sertifiká, loke ta un regla nobo mundialmente.

Ken ta Bert Zuurman.

Ta trata di un eks futbolista profeshonal, kende a hunga den diferente ekipo di futbòl den Europa. Awor e ta sertifiká pa UEFA coach, i ta  un  dosente internashonal. El a bai diferente pais pa duna treinen, i tin hopi eksperensia riba e tereno. Potrèt ta duna un bista durante e práktika.    

Share This
error: Content is protected !!