KRALENDIJK – Habitantenan prekupá ta remarka ku a koba den e área na altura di Tanki abou, pega ku kaya Korona, i esaki ta kousa molèster. Ta notabel algun dia pasa, doñonan di e tereno na e área ariba menshoná a kuminsá ku kobamentu formal, sakando kantidat enorme di tera na e sitio. Pa e motibu aki koriendo riba kaya Korona, por tuma nota di seru haltu di tera na e sitio. Ta nan asuntu kiko nan ta hasi òf ta bai konstruí na e sitio, esaki loke hendenan ta remarka. Loke si ta importante pa tene kuenta kuné ta e kanal ku tin den e área, kaminda awa ta pasa pa kontinuá su destinu. Debí ku a pone un seru haltu na e sitio, esaki ta un estorbo pa e awa ku ta pasa bou di kaya Korona pa medio di un brùg, i sigui. Radio live 99.9 FM, despues di a risibí e informashon a bai na e sitio pa tuma nota di e situashon. Ta bèrdat ku e tera ta nèt na e salida di e awa ku ta bini for di pariba i ta pasa bou di kaminda. Na e momentu ku reportero di Radio Live 99.9 FM tabata na e sitio, awa tabata kore i no por pasa ku e pasada normal, debí na e seru haltu di tera. Suidadanonan ta menshoná, ku ta bon pa esnan ku ta traha na e sitio tuma nota di e situashon, meskos ta deber di gobièrnu, esnan  konserní atendé ku loke ta sosodé na e sitio, ta entre otro loke hendenan a remarka tokante e situashon.

Share This
error: Content is protected !!