KRALENDIJK – Djamars atardi tabatin apertura ofisial di ‘Buitenschoolse opvang’ (BSO) De Oceaan. Ta trata di un sitio kaminda muchanan entre 4 pa 12 aña por bishitá despues di skol. Timoteo Silberie kende ta presidente di Fundashon Akohida Profeshonal pa Mucha, a splika e atardi tokante loke un mayor por spera di “BSO De Oceaan”. 

“Último 5 aña tras di lomba, e mucha entre 0 pa 4 aña tabata keda na skol. Awor tin un sitio pafó di skol pa e mucha por bishita. Tur mucha entre 4 pa 12 aña por inskribí pa nan forma parti di esaki. No ta importá religion òf nashonalidat. No ta husga niun mucha. E mester ta simplemente inskribí na Boneiru. Loke tin pa ofresé ta diferente forma pa e mucha distraí i tin aktividat ku ta tuma lugá na otro sitio, den kolaborashon ku BSO, ku e mucha por bai. Entre otro práktika di futbòl òf landamentu i mas. Pa loke ta trata e parti paden di e edifisio, na entrada tin tur informashon kiko por spera na BSO. Mas paden tin diferente kompartimentu, kada un ku algu diferente pa e mucha praktiká. Entre otro sala pa presentashon i duna show, área pa pintamentu, kaminda pa wak televishon i mas. Mayor por pasa serka su yu parti mèrdia, i huntu nan por sinta kome kombersá i despues e mama ta sigui pa trabou. BSO por perkurá pa e mucha sali for di skol i yega na e sitio, sinembargo ta mas apropiá pa e mayor mes perkurá pa e yu ta na BSO. 66 mucha por inskribí pa bishita BSO. Pa mas informashon por pasa na Kaya Boulevard Gob.N. Debrot #64. Kombinashon di potrèt ta ilustrá e lugá i momentu ku a kòrta sinta i anunsiá BSO habrí.

Share This
error: Content is protected !!