Den Haag – Konseho di Minister di Reino a renombrá Gregory Damoen entrante 1 di sèptèmber 2020 komo miembro di Kolegio di supervishon finansiero di Kòrsou i Sint Maarten riba proposishon di Kòrsou. E renombramentu ta keda efektuá pa medio di un Dekreto Real i e lo ta vigente pa un periodo di tres aña.

Damoen ta miembro di Cft for di 1 di sèptèmber 2017. Aktualmente e ta Chief Financial Officer (CFO) interino na Ontwikkelings Bank Nederlandse Antillen (Banko di Desaroyo di Antia Hulandes – OBNA). Prome cu esei e tabata Direktor athunto Risk & Compliance na Banko Sentral di Kòrsou i Sint Maarten i promé ku esei e tabata entre otro Direktor di Finansa na Gobièrnu Sentral di e anterior Antia Hulandes. Gregory Damoen tin un grado di Master den Accountancy.

Share This
error: Content is protected !!