KRALENDIJK – Algun siman atras, suidadano S. Mercelina a papia ku Radio Live 99.9 FM tokante un situashon hopi fastioso ku e i su esposa ta pasando aden. Mercelina a splika ku e problema ku nan tin, ta ku e no ta un persona stabil pa traha (afgekeurd) i gobièrnu no ta yuda pa e por risibí un ékis kantidat di sèn, pa e pareha por sobrebibí. Despues ku nan a papia ku un reportero di radio Live 99.9 FM, i e informashon a bai den pueblo pa medio di Radio Live99, e pareha a haña hopi atenshon. E atenshon tabata for di hendenan den komunidat ku tabata deseá di yuda e pareha. Esaki a sosodé, sinembargo ta algu temporal. Loke mester sosodé esta algu struktural pa medio di gobièrnu, esei no a tuma lugá.   

Nan ta den kombersashon ku SZW (sosialezaken) via sra. Jona Chirino-Felida, i e situashon ta kaminda ku SZW ta deseá pa wak karta di dòkter. Mercelina ta mustra ku esaki ya ta na nan konosementu i no tin motibu pa bolbe mustra nan e kartanan di dòkter. Mas ainda, nan no ta dòkter, pues kiko nan lo por yuda kuné si nan mira kiko ta mi tratamentu na man di dòkter, Mercelina a konta radio Live 99.9 FM. E pareha ta hopi prekupá ku e situashon. Nan ta pasando momentunan ménos agradabel, i ku poko kos pa sisti stoma entre otro. Riba esaki WEB N.V. ta menasando ku un dia pa otro nan ta kita awa i koriente for di e kas. Ta hopi importante pa esnan konserní yuda den e kaso, pa e pareha risibí algu, pa por kumpra kuminda i kanselá algun debe di entre otro awa i koriente. E pareha ta roga pa yudansa. 

Share This
error: Content is protected !!