KRALENDIJK – E presidente di s.v. Deportivo ku ta sr. Robby Beukenboom, den un informe pa prensa e siman aki, ta gradisí i felisitá ekiponan ku a partidipá i kai den premiashon di e torneo ku a finalisá djasabra último.
Di akuerdoku sr. Beukenboom, na luna di novèmber 2019 sv Deportivo a organisá su akustumbrado torneo di futbòl veterano 35+ .
Aña a bòltu i sigui hunga bala den aña nobo, sinembargo e pandemia di Covid 19 a trese un paro di mas o menos 5 luna kuné. Ku algun adaptashon a kontinuá ku e torneo i esaki a finalisá djasabra último.
E ekipo di Nort Saliña Vèts a titulá kampion, Arriba Peru supkampion, Tera Blanku di tres lugá i Champs a keda di kuater lugá.
E ekipo di Atlétiko Tra’i Montaña a bai ku e premio di ekipo mas disipliná.
Direktiva di Deportivo ta felisitá e ekiponan ku a kai den premio. Tambe ta gradisí tur ekipo 35+ ku a partisipá den e torneo.
Un danki ta bai tambe na e ekiponan Champs i Mi kos di e liga 50+ ku a hunga un wega amistoso.
Un danki tambe na e ekipo komersial Haiti Stars pa nan wega amistoso den e torneo.
Komo ku kampionato regular di Federashon di futbòl Boneriano
(FFB) tabata pendiente pa kampionato pa kuminsá fin di e luna aki, a invitá vários ekipo pa hunga weganan di fogeo den e torneo Hopi a aseptá nos invitashon i probechá di e oportunidat pa prepará pa FFB su próksimo kampionato.
Pa medio di esaki ke gradisí e ekiponan Young Boys , Atlétiko
Flamingo, Atlétiko Tera Kòrá, Arriba Perú, Juventus i Uruguay pa nan partisipashon.
Ta gradisí tur miembro di Deportivo i tur otro ku a duna un man pa hasi e evento deportivo posibel.
Huntu a sa di demostrá ku deporte ta sano i ku nos ta ruman praktikando e deporte rei ku ta futbòl.

Share This
error: Content is protected !!