KRALENDIJK – S.V. Estrellas di Nort Saliña Kategoria U11, ta preparando pa hunga torneo di futbòl internashonal na Hulanda.
E invitashon ta pa hunga un torneo di futbòl hubenil internashonal na Hulanda otro aña, invitashon ku a bini di sr. Leo Vuik di e organisashon organisadó.
S.V. Estrellas U11 ta invitá na e torneo internashonal di djabièrnè 28 pa djadumingu 30 di mei 2021. E torneo aki ta tuma lugá na 4 klup ku ta SV Ommoord, SVS VVOR, VV Capelle di Capelle na den IJssel i Rotterdam Hulanda. E torneo aki ta konta ku partisipashon di alrededor di 170 tim for di 10 diferente pais ku mas o menos 2500 hungadó di 7 t/k 16 aña. Tur e timnan bishitante di e otro paisnan mester ta presente dia 28 di mei 2021 na Hulanda.
Djabièrnè 28 mei 2021 tin e apèrtura ofisial di e torneo na SV Ommoord.
For di 6or atardi e spòrtpark lo ta habrí ku atraskshonnan di e deporte futbòl. Pa mitar di ocho tin e seremonia di e apertura ofisial di e torneo.
Despues di e seremonia ofisial SV Ommoord ku ta bishitante, lo hunga ku un di su timnan kontra un di e timnan di un di e paisnan estranhero pa duna inisio ofisial na e torneo.
E organisashon organisadó di e torneo aki ta “Organisatie Dutch Soccer Youth Cup / Dutch Soccer Tournaments”.
Riba potrèt e tim di s.v. Estrellas U11 ku ta den preparashon pa realisá e biahe otro aña pa Hulanda i kompetí den e torneo internashonal di futbòl aya na Hulanda.

Nos ta deseá tantu dirigentenan komo tambe e hungadónan tur klase di éksito ku e preparashonnan pa realisashon di e biahe aki.

Share This
error: Content is protected !!