KRALENDIJK – Djaweps 20 di ougùstùs alrededor di mitar di 1 di mèrdia a sosodé un aksidente di tráfiko riba kaya Nikiboko Sùit na altura di La Cumbre. Un hòmber manehando su skuter no por a wanta brek na tempu na momentu ku e vehíkulo su dilanti a wanta brek diripiente komo ku e outo su dilanti a kita drenta un kaya inesperá. Konsekuensia tabata ku e skuter a kore dal patras di e outo ku a wanta brek diripiente. Shofùr di e skuter a kai na suela i tabata keha di doló na su pia. Ambulans a transportá e hòmber pa hòspital pa tratamentu médiko. Polis a presentá na e sitio pa sera un parti di e kaya i CRS a registrá e aksidente.

Share This
error: Content is protected !!