KRALENDIJK – Djasabra 15 di ougùstùs último pa promé biaha Boneiru a organisá e gran final di e aktividat di Arte di Palabra, kaminda Aruba, Boneiru i Kòrsou a partisipá. E aktividat a tuma lugá na Kaya Somontuno 6. 12 hóben a representá Boneiru, for di Kòrsou tambe a partisipá 12 hóben i di Aruba pa medio di grabashon di video, 8 hóben. Arte di palabra ta un kompetensia Literario, Poesia i kuenta kòrtiku. Shermantha Frans i Sergino Finies a fungi komo maestro di seremonia. Na komienso di e aktividat a dirigí palabra diputado Nina Den Heyer i Felix ‘Papito’ Thomas, kende ta hefe interino di SKAL. Nan a menshoná entre otro pa hóbennan sigui desaroyá nan talento i usa e mente pa kreatividat.

Partisipantenan di Aruba lamentablemente no por tabata presente debí na e situashon ya konosí, pero a hasi grabashon i pasa esaki durante e aktividat na Boneiru, den presensia di partisipantenan di Boneiru i Kòrsou. E aktividat tabata bon bishitá. E ganadó apsoluto a resultá Thanee Jamanika di Kòrsou. Hopi emoshonal ku lágrima di felisidat el a risibí su premio for di man di diputado Nina den Heyer.

Aki ta sigui resultado di e aktividat:

Kategoria A Poesia Eksistente Klas 1-2

Segundo Finalista: Ramso Coffy, Título di teksto: Mi por. Outor: Lyndon Leito

Promé Finalista: Juraily Meulens, Título di Teksto: Ami ta ami, esun ku mi ta. Outor: Shurendel Luciana

Ganadó Kategoria A Poesia Eksistente: Juruene Nita, Título di Teksto: Mi Kultura, nos Kultura. Outor: Ilse Schoobaar

Kategoria B Poesia Original Klas 1-2

Terser finalista: Maria-Luisa Troncon, Título di teksto: Kompatriota mi ta. Outor: Maria-Luisa Troncon

Segundo Finalista: Christina Méndez Canelón, Título di Teksto: Estranhero. Outor: Christina Méndez Canelón

Promé Finalista: Shuraino Calister, Título di Teksto: Ban tuma rienda. Outor: Shuraino Calister

Ganadó Kategoria B Poesia Original Klas 1-2: Jeaniro Dorothea, Título di teksto: E ruta. Outor: Jeaniro Dorothea

Kategoria C Poesia Original Klas 3-6

Terser finalista: Jordan Martis, Título di Teksto: Refleho. Outor: Jordan Martis.

Segundo Finalista: Shellany Sebelon, Título di Teksto: Un Granito na bo honor. Outor: Shellany Sebelon

Promé finalista: Irlenska Martinus, Título di Teksto: Fin di Mundu. Outor: Juriella Josephia

Ganadó Kategoria C Poesia Original Klas 3-6: Dannzjelo Nassy, Título di Teksto: Apresiá. Outor: Dannzjelo Nassy

Kategoria D Kuenta Eksistente Klas 1-2

Terser Finalista: Rodion Martis Bito, Título di Teksto: Spiritu pia pisa. Outor: Pierre Lauffer

Segundo Finalista: Noemi Nicolino, Título di Teksto: Ta ami nan ke men. Outor: Tafari Janga

Promé Finalista: Julinette De Leeuw, Título di Teksto: E kasamentu a kolapsá. Outor: Nashourna Godvriend

Ganadó Kategoria D kuenta Eksistente Klas 1-2: Liantie Trenidad, Título di Teksto: Risibimentu. Outor: Lyndon Leito

Kategoria E Kuenta Original Klas 1-2

Promé Finalista: Darnica Pourier, Outor: Darnica Pourier

Ganadó Kategoria E Kuenta Original klas 1-2: Wendel J Polanco, Título di Teksto: Mi Soledat a Krea arogansia. Outor: Wendel Jansen Polanco

Kategoria F Kuenta Original Klas 3-6

Terser Finalista: Naidjely Sumter, Título di Teksto: E soño. Outor: Naidjely Sumter

Segundo Finalista: Juriella Josephia, Título di Teksto: Don Pepe. Outor: Juriella Josephia

Promé Finalista: Derickson Ellensburg, Título di Teksto: E desobedensia di e,o I u. Outor: Yannick Daantje

Ganadó Kategoria F Kuenta Original Klas 3-6: Tahnee Jamanika, Título di Teksto: Dios mester libra! Outor: Gyandro Marselia

Ganadó apsoluto Arte di Palabra ABC 2020

Tahnee Jamanika

Título di Teksto: Dios mester libra!

Outor: Gyandro Marselia

Share This
error: Content is protected !!