KRALENDIJK – Djabièrnè siman pasá diputado Nina den Heyer a entregá diferente pakete di higiena pa organisashonnan ku ta atendé ku hendenan di edat avansá òf esnan desabilitá den komunidat. Ta trata di entre otro Pasadia Villa Antonia, Kai Mimina, Kalor di Hogar, Kas Flamboyan, Kas di Kuido di Fundashon Mariadal i FKPD. Den kuadro di sosten adishonal na organisashonnan ku ta fungi komo un forma di akohida pa grandinan òf personanan ku mester di èkstra atenshon, a parti pakete. E pakete ta konsistí di algun kos di pasa boka pa e personal ku ta traha ku alma i kurason na bienestar di nan kliente, sinembargo tambe artíkulonan di higiena pa e instansia mes. Esaki mirando ku mester keda konsiente di e reglanan di higiena den e temporada di Covid-19. Dependé di e situashon ta evaluá si lo duna mas pakete. Diputado Den Heyer huntu ku Sra. Silvana Janga-Serfilia di Departamentu Komunidat i Kuido i Shaedra Baromeo di tim di desaroyo di bario a hasi entrega di e paketenan. 


 
 

Share This
error: Content is protected !!