KRALENDIJK – E ekipo s.v. Real Rincon di Rincon den presensia di un bon públiko, djadumingu último den oranan di anochi a titulá kampion di Titans Cup 2020 den Stadion di Kralendijk, despues di a gana di s.v. Estrellas di Nort Saliña Kunuku Bieu 4-2 na pinalti.

E partido a finalisá su 90 minüt empatá na dos ku gol den pitu di s.v. Estrellas, pa kua mester a bai over na pinalti pa yega na un ganadó un kampion. Di akuerdo ku e informashonnan ofisial relashoná ku e partido final, djadumingu último fecha 23 di ougùstùs 2020 partido nr 6 final di e torneo sv Uruguay Titans a bai entre Real Rincon i sv Estrellas.
Tabata un partido ku a mira un total di 4 gol i pa medio pinalti a mira 6 gol.
E “clash of the Titans” a bai entre sv Real Rincon i sv Estrellas.
Pa loke ta e partido riba su mes, na di 16 minüt s.v. Estrellas ta bai dilanti 1-0 ku tremendo tiru di Gabriël “Tata” Alberto.
E partido ta parti na dos pa sosiegu ku s.v. Estrellas den bentaha di 1-0.
Di dos mitar Estrellas ta subi i ta sigui buta preshon pero ta Real Rincon ku ta empatá e partido na di 63 minü ku gol di Lacey Pauletta.
Na di 88 minüt Lacey Pauletta ta hinka su di 2 gol pa Real Rincon bai den bentaha di 2-1.
Den pitu momentu ku hopi hende no a spera, Estrellas ta logra empatá e partido 2-2 na di 90 minüt ku gol di Jerson Agostien.
Ku e resultado aki a bai over na pinalti pa yega na un ganadó un kampion di Titans Cup 2020.
Real Rincon na pinalti ta gana 4-2 i bira Kampion di Titans Cup 2020.
Kiper Buchi Frans tabata grandi bou di e latanan pa duna su ekipo e viktoria i título
Ku e resultado aki Real Rincon ta titulá kampion i Estrellas supkampion di e torneo Titans Cup 2020 di s.v. Uruguay.
Pabien na e ekiponan i un danki na e fanatikada ku a presensiá e partidonan di e torneo fin di siman pasá.

Share This
error: Content is protected !!