KRALENDIJK – Fin di siman pasá, pa ta mas eksakto djasabra último den Stadion di Playa den oranan di anochi, e tim di futbòl Vespo Red Diamonds di Rincon, a gana di e tim di Flamingo Girls na pinalti, esaki despues ku e partido a finalisá empatá 1-1.
Tabata Flamingo ku a bai dilanti 1-0 den e partido, pero Vespo Red Diamonds poniendo preshon ta logra empatá e partido.
Tabatin mas atakenan ku Vespo Red Diamonds no a logra hinka mas gol, e partido ta finalisá den empate di 1-1.
Ku e resultado aki a bai over na pinalti i Vespo Red Diamonds ta gana di Flamingo.
Tabata un partido femenino amistoso promoviendo e deporte di futbòl femenino, di kua e partido aki a tuma lugá durante e torneo Titans Cup 2020 di s.v. Uruguay.
Na final di e partido dirigentenan di s.v. Uruguay, a hasi entrega di un trofeo komo rekuerdo di e viktoria aki den torneo Titans Cup 2020.
Riba potrèt e timnan i tambe entrega di e trofeo.

Share This
error: Content is protected !!