KRALENDIJK – Djadumingu 23 di ougùstùs na aeropuerto Flamingo, BYOF a estrená un seri di grabashon ku nan a hasi relashoná ku e mundu di aviashon ku diferente piloto lokal. Ta trata di 10 grabashon i durante un temporada por mira esaki na televishon. Esaki ta e di dos temporada di e programa “Nos Hendenan”. Promé ku a presentá e grabashon, Reksel Engelhart di BYOF a papia i a splika di loke nan a hasi pa a yega na e produkto final. Den e programanan aki nos ta bai sera konosí mas di aserka ku e generashon nobo di piloto di Boneiru. Ta trata di pilotonan hóben, ku ta konta kon nan a lucha ku hopi esfuerso pa logra nan meta komo piloto profeshonal komersial. E meta ta pa inspirá otronan pa sigui esnan ku a logra, pa asina krea mas piloto lokal. Diferente persona tabata presente pa e okashon entre otro e pilotonan Boneriano, trahadónan di den toren di kòntròl i algun famia.

Riba potrèt momentu ku a presentá e grabashon na Aeropuerto Flamingo. 

Share This
error: Content is protected !!