KRALENDIJK – Kaminda di Sorobon ta serka di sera ku mata di mondi, loke ta hasi e kaminda unu peligroso pa outomobilistanan. Ramanan ta kasi yega mei mei di e kaya. E shofùr dado momentu alkansando unda e matanan di mondi a subi kaminda i ta serando e kaminda, dado momentu no tin bista bon si tráfiko kontrali ta aserkando o nò. Dos vehíkulo no por pasa bandi di otro riba e kaya. E ta un situashon basta peligroso i ta bon pa tene kuenta ku esaki. Ta bon pa e departamentu konserni hasi algu i laga kita e matanan di mondi ku ta serando e kaminda promé ku ta lat, promé ku tin ku lamentá. Aki nos ta referí na Kaya Ir. R. Statius van Eps ku ta e kaminda parti suit pa bai Sorobon.
Riba potrèt ta mira kon e matanan di mondi ta serando e kaminda.

Share This
error: Content is protected !!