KRALENDIJK – Djasabra último durante un enkuentro den oranan tempran di anochi na e kluphùis di s.v. ATC di Tera Kòrá, a honra i hasi entrega di un bunita plakat na sr. Frensel ”Dicky” Janga, esaki komo rekonosementu pa su trabounan inkansabel durante 25 aña ku e la karga e klup di futbòl aki komo presidente.

Despues di 25 aña sr. Janga a haña ku ta basta i promé ku e la bandoná tal posishon, a sòru pa un otro persona sigui guia e ekipo meskos o mihó ku e la hasi esaki den e 25 añanan, esaki den persona di sr. Aaron Martis komo presidente nobo.

Tabata djasabra último ku tabatin e enkuentro pa bendishonamentu di unifòrm nobo pa tur e timnan hubenil te ku senior di s.v. ATC.
E direktiva nobo a probechá tambe di e okashon aki pa honra i yama danki na un manera spesial na sr. Frensel Janga pa su 25 aña ku e la karga e klup di futbòl aki. Diputado di deporte sr. James Kroon ku tabata presente komo invitado pa e okashon aki, huntu ku un hobensito futuro di e klup di futbòl di s.v. ATC, a hasi entrega di e plakat na sr. Frensel ”Dicky” Janga.

Share This
error: Content is protected !!