KRALENDIJK – Honor a toka na e ekiponan s.v. Uruguay di Antriòl Pariba i s.v. Young Boys di Nort Saliña, pa inisiá kampionato 2020-2021 di futbòl di nos isla djabièrnè awó 28 ougùstùs den Stadion Kralendijk na Playa.
E partido insial di e kampionato ta kuminsá 8’or anochi despues di e seremonia di apèrtura ofisial di e temporada.
E kampionato ta dediká na s.v. ATC di Tera Kòrá, ya ku e último kampionato no a finalisá o sea ku esaki a keda kanselá.
Pa e motibu aki e kampionato 2020-2021 ta dediká na s.v. ATC.
Despues di e promé partido djabièrnè, djadumingu awó 30 di ougùstùs e di dos partido di e kampionato, esaki pa 7or anochi den Stadion di Playa, ora ku e ekiponan ATC di Tera Kòrá i e peruanonan di Arriba Perú topa otro pa promé bia den e kampionato.
Un yamada na e fanatikada i habitantenan di e bario di Tera Kòrá pa yena Stadion pa apoyá boso ekipo ku e kampionato ta dediká na dje.
Éksito na e ekiponan den e kampionato.

Share This
error: Content is protected !!