KRALENDIJK – Radio Live 99.9 FM ta disponé di e informashon for di nos fuentenan ku tin un personá lokal ku médikonan a detektá ku Covid-19 aki na Boneiru. Ounke e kaso aki ta similar ku unu den pasado ku tèstnan tabata sali inkonkluso, médikonan a reuní i disidí ku e ta un kaso aktivo. E persona ya tabatin e vírùs pa algun siman kaba i ta den fase di rekuperashon. E pashènt ta den isolashon i tur dia ta monitòr situashon di su salú. Di informashonnan ku Radio Live 99.9 FM ta disponé di dje ta indiká ku ta hasiendo un investigashon pa sa unda e persona aki a keda infektá. E no tabatin kontakto ku niun hende for di Kòrsou, Aruba òf Hulanda. A pidi alrededor di 16 persona ku ta entre otro famia di e víktima, ku último dianan tabatin kontakto kuné, pa tambe bai hasi tèst.

Radio Live99.9FM tabata tin kontakto ku Gezaghèber Edison Rijna ku a konfirmá ku nan ta den reunion i un ora pa otro lo sali un komunikado ofisial di gobièrnu di Boneiru.

Share This
error: Content is protected !!