KRALENDIJK – Tin un grabashon ta sirkulá di un mener den un situashon deplorabel. Radio Live 99.9 FM relashoná ku e asuntu di video di un suidadano ku tabata biba den un situashon deplorabel, a papia ku diputado Nina den Heyer. Diputado den Heyer a menshoná ku ta trata di un video ku a bai riba media sosial, i simplemente kier a hasi mal uso di esaki. “Bèrdat tin un video ta sirkulá riba media sosial loke no ta un grabashon aktual. Algun persona a usa e video, ku mal intenshon. Pa pinta Boneiru malu na Kòrsou i Aruba. Pa privasidat di e famia no ta bai den detaye di e kaso. Ke rekordá tur hende riba derechi di privasidat di e persona i su famia. Gobièrnu a keda informá pa esun ku a hasi e grabashon, i a atendé ku e persona. Instansianan konserní ya ta atendiendo e kaso promé ku e video a bai riba media sosial. A bai diferente instansia pa a atendé ku e persona ku tabata biba den e situashon pa mehorashon. A yuda e famia tambe den e kaso i e famia no ta lagando un miembro di nan pasa un bida deplorabel. Ya pa un tempu e famia tin atenshon pa e situashon. E kos ta ku e persona ta un adulto i no tur ora ta skohe loke ta bon p’e.

Nos ta konsiente ku nos no sa tur loke ta sosodé na Boneiru. Pa e motibu aki nos tin un tim di bario, tin direktorado di komunidat di kuido, i pa medio di esnan ku ta bai den bario ta yega na informashon di tal situashon i pa atendé nan. Nos ta konsiente ku tin hende ta biba den situashon fastioso na Boneiru, i nos ta pidi komunidat pa na momentu ku nan ta na altura di sierto situashon fastioso, informá direktorado komunidat di kuido òf e tim di bario pa por atendé ku e situashon. Pues pa bai bèk na e kaso di e video, e kaso di e persona riba e grabashon ya a risibí ayudo, promé ku e video a bai riba media sosial, ”diputado den Heyer a bisa.   

Share This
error: Content is protected !!