KRALENDIJK – Gobièrnu di Boneiru a bolbe kuminsá ku e proseso pa yega na un Sekretario Insular pa Entidat Públiko Boneiru. Esaki debí ku e Sekretario Insular ku tabatin na bista, Tim Muller a informá ku e lo no kontinuá pa okupá e funshon ariba menshoná. Muller ta aktualmente na Saba i ta okupá e posishon di mas haltu komo ámtenar aya riba e isla. Tin diferente motibu pa kua Muller a opta pa kontinuá na Saba. Entre otro e situashon vulnerabel ku Saba a pasa aden relashoná ku e krísis di ‘corona’ vírùs. E palabrashon tabata pa Muller a drenta funshon na Boneiru 1 di mei 2020, komo susesor di Nerry Gonzales. Pa e motibu menshoná, gobièrnu di Boneiru a inisiá e proseso pa buska un Sekretario Insular nobo. Pues tin un aviso publiká ku ta buskando un persona pa okupá e funshon ariba menshoná. Ta buskando un persona inspirante ku eksperensia, un persona ku por trese kambio den e organisashon. E persona lo tin un temporada di trabou pa 2 aña. E persona mester ta íntegro, inspirante,  

Konfiabel i orientá riba resultado. E funshon di Sekretario Insular ta den e skal 17, i e persona su salario lo ta un montante entre 6.629 pa 8.181 dòler pa luna. Esaki ta e situashon i awor ta pendiente ken ta bai reakshoná pa okupá e funshon. 

Share This
error: Content is protected !!