KRALENDIJK – Awe djaweps for di alrededor di 10’or di mainta por a tuma nota di un kantidat di huma pretu den e area di Nikiboko pariba. ta trata di un kandela grandi ku tabatin den e área pariba di bario Nieuw Amsterdam. Esaki tabata manda un kantidat grandi di huma den laira loke a pone ku a tuma kontakto ku kuerpo di bombero i polis pa atendé ku e situashon na e sitio. Por komprondé ku ta trata di un sitio den kunuku ku ta kima kos ku regularidat. Loke a sosodé e bia aki ku ta trata di hopi shushi i tayer bieu, i esaki a perkurá pa hopi huma. Momentu ku hefe di redakshon di Radio Live 99.9 FM tabata na e sitio, a tuma nota ku brantwer a presentá i a kuminsá ku pagamentu di e kandela. E situashon di e kandela no tabata kousa niun peliger pa nada den e área. Simplemente e kantidat di huma tabata enorme.

  

Share This
error: Content is protected !!