KRALENDIJK – Fin di siman tras di lomba Kaylee Filomene de Jongh a risibí su diploma di ‘Cum Laude’. El a slag komo e mihó di henter Liseo Boneriano, pa loke ta trata aña eskolar 2019-2020. Promé ku a entreg’é su regalonan i diploma, Barbara Sol kende ta unit directeur di Liseo Boneriano a dirigí palabra pa esnan presente.  

“Nos ta hopi orguyoso di Kaylee ku e logro aki. 75 aña pasa un studiante a logra igual loke bo a logra awe. Kisas nunka mas ku algu asina ta sosodé. Abo ta bai disidí awor kon tur kos ta kontinuá. No ta fásil sali for di kas di mamanan, kaminda ámbos ta bai sinti instabil relashoná ku e kambio. 18 aña bo tabata na kas i diripiente bo ta bai studia afó. Bo por loke bo ke. Bida no ta stret. E tin subida i bahada. Na mama i tata mi ta bisa ku boso a hasi un bon trabou. Awor e yu ta bai studia afó i ta un kambio grandi. Bida ta bai kambia pa boso tur. Boso apoyo mester keda. E mester di boso pa e kurashi pa e kontinuá loke e ta bai pe,” unit direktor Barbara a bisa.   
Despues a papia Ernest Comenencia teamleider di VWO. El  a ekspresá ku e sa ku Kaylee por. “Mi sa ku bo por. Bo a demostrá ku bo meresé e titulo aki. No tin un hende ku ta hasi e kos aki mihó ku abo, pa por a ganabo,”entre otro Ernest a bisa. Despues Ernest a entreg’é un regalo i Kaylee a firma su diploma den presensia di entre otro mama i tata. Nòmber di mayornan ta Pedro i Denise de Jongh-Rekwest. 

  

Share This
error: Content is protected !!