KRALENDIJK – Raymond Knops, sekretario di estado e siman aki ta di bishita na Boneiru i Kòrsou. Meskos ku tur hende, ta un obligashon pa e pasa e tèst relashoná ku COVID-19. Promé ku el a subi avion rumbo pa e islanan menshoná, el a pasa e tèst. Pa bishitá Kòrsou esaki ta un obligashon, otro for di Boneiru. Esaki ta pa duna e seguridat ku e no tin e malesa di ‘corona’ vírùs, miéntras e ta atendé ku un bishita di trabou den Karibe. Sigur ta importante pa informá pa evitá ku ta krea pregunta si sekretario di estado a pasa e tèst si òf no.

Sekretario di estado a yega Boneiru djadumingu 30 di ougùstùs i djaluna 31 di ougùstùs lo e hiba kombersashon ku miembronan di Kolegio Ehekutivo i Konseho Insular, ku e mènedjer di programa Danny Rojer di ‘akuerdo di gobernashon ’ i un grupo di ‘young professionals’. Tambe e lo bishitá voedselbank, papia ku representantenan di sektor privá i Kamara di Komersio tokante ayudo di corona. Un bishita na Fundashon Mariadal i Stinapa tambe ta riba programa. Djamars 1 di sèptèmber promé ku e bandoná Boneiru pa Kòrsou, lo tin un konferensia di prensa relashoná ku su bishita.

Riba potrèt momentu ku sekretario di estado Raymond Knops a pasa e tèst.  

Share This
error: Content is protected !!