KRALENDIJK – Selibon N.V. a instalá kliko riba entre otro Malekon. Shanelca Martha di SELIBON N.V. den un entrevista ku Radio Live 99.9 FM a menshoná ku e kompania di limpiesa di e isla di Boneiru a pone Kliko na algun sitio mas resientemente. A pone na diferente sitio den sentro di suidat i awor ku waf di Chachacha ta renobá, tin Kliko na e sitio. Esaki SELIBON N.V. a hasi huntu ku OLB pa asina kordiná bon unda ta nesesario pa pone Kliko. Ta trata di 5 kliko den e área di Malekon ku a bin aserka i tambe a pone tres na altura di ‘Pink Beach’. E área di Malekon ta den desaroyo i tin atenshon pa poulatinamente sigui pone mas Kliko na diferente sitio alrededor di e Malekon. Tur mainta trempan e trùknan di SELIBON N.V. ta pasa rekohé shushi den sentro di suidat, esaki promé ku tin hopi moveshon di hende i vehíkulo, Shanelca Martha a bisa na Radio Live 99.9 FM.  

Share This
error: Content is protected !!