KRALENDIJK – Solamente 3 klup di e 10 klupnan afiliá na FFB ku ta afiliá na Concacaf, a kumpli ku eksigensia aki pa logra nan “Club Lisence”.
Ta un eksigensia di Conacaf ku klupnan tin ku kumpli kuné.
Ta urgi klupnan di futbòl afiliá na FFB ku ta e federashon di futbòl di nos isla, pa yena nan formulario pa Club License, loke ta yuda e klupnan, ya ku ta dilanti so nan mes i nos futbòl lo por bai ku esaki.
Ta di lamentá ku e klupnan no ta kumpliendo ku esaki pa FFB ku ta afiliá na Concacaf.

Ta un eksigensia di Concacaf pa tur klup ku ta afiliá kumpli ku esaki i logra nan lisensia pa nan klup, loke ta benefisiá nan mes.
Tin 10 klup afiliá na FFB i ta den kampionato di nos isla, pero ta solamente 3 klup, fo’i tempu ku FFB a pidi i ta sigui pidi, a kumpli ku esaki.
Ta di lamentá ku solamente 3 di e 10 klupnan afiliá na FFB a kumpli i ta mira e seriedat den esaki.

FFB asta ofresé ayudo na e klupnan pa yuda nan yena e formulario importante aki pa nan mes i pa nos futbòl, pero te ku awe esaki no a yuda.
A yega momentu si pa e klupnan ku no a yena e formulario ainda, atendé esaki ku mas seriedat. Nos ta logrando hopi i ke logra mas, pero nos tin ku kumpli si ku eksigensianan di esnan ku ta yuda nos pa logra adelanto den nos futbòl den tur sentido di palabra.

Nos tin ku para ketu i puntra nos mes, kiko ta e motibu ku no ta kumpli ku esaki? Si tres klup a kumpli ku esaki, dikon e shete otronan no a kumpli ku esaki ainda? E klupnan ku no a yena e formulario ainda, no ta apresiá tampoko e yudansa ofresé pa FFB pa yuda yena esaki pa keda ku e lisensia pa e klup?

Kiko ta e motibu di tantu tardansa den esaki pa yena e formulario ku asta oportunidat pa ayudo den esaki?
Ta urgi i ta pidi e klupnan ku ainda no a kumpli ku e eksigensia aki di Concacaf, pa hasi esaki mas pronto posibel. Sin esaki, nos ta pèrdè di gana mas pa nos futbòl for di Concacaf.

Share This
error: Content is protected !!