KRALENDIJK – Sr. Mauricio Tobon ku ta presidente di s.v. Uruguay, ta sugerí pa hunga kampionato sin fanátiko numa i laga tur hende sinta trankil na kas serka nan famia i disfrutá di e weganan via LiveStream.
Ku esaki kumpliendo tambe ku e reglanan i di EBT i evitá tambe di bai den aglomerashon ku ta e problema ku e asuntu di Covid-19.
Esaki sr. Tobon a sugerí na FFB.
No tin ningun kontesta di FFB tokante esaki, tampoko ta konosí e pensamentu di e nuebe otro klupnan di futbòl den e kampionato, kiko nan ta pensa di esaki.
Den promé instante, loke nos sa, ku FFB momentu ku esaki a bin na vigor, a bisa ku no ta bai hunga sin fanátiko i ta spera te na momentu ku nos Promé Mandatario, Gezaghebber sr. Edison Rijna, bisa ku por hunga ku fanátiko.
Nos no sa kiko FFB lo bai bisa o kua ta e pensamentu awó ku un klup afiliá, den e kaso aki s.v. Uruguay, a hasi petishon pa esaki. Segun nos e lo mester bai reunion i tende kiko e otro nuebe ekiponan den e kampionato, ta pensa di esaki i laga mayoria disidí.
E ta un idea, un pensamentu ku a sali foí un klup miembro di e federashon di futbòl di nos isla ku ta s.v. Uruguay.

Share This
error: Content is protected !!