KRALENDIJK – Resientemente a tuma lugá na Museo Terramar eksposishon di e hóben Boneriano Tatiana Nicolaas. Djabièrnè 28 di ougùstùs tabatin e parti kaminda invitadonan so por a presensia e obranan di Tatiana den e museo. Djasabra atardi tabata e momentu pa públiko por a disfrutá di e obranan krea pa Tatiana.  

Hopi hende a pasa pa tuma nota di e bunita pinturanan i e kolekshon di asesorio. Tatiana su mishon ta pa stimulá hóbennan ku tin deseo den arte. Ta bon pa e hóben skohe pa loke e ta deseá pa hasi. Tatiana ta traha na Jong Bonaire, i a studia komo dosente pa arte na Hulanda.   

Tur loke tin den e museo aktualmente ta su obra. Tur djamars pa djadumingu di 10’or di mainta pa 1’or di mèrdia por pasa pa tuma nota di e obranan krea pa Tatiana. E pinturanan ta keda te 13 di sèptèmber den e museo. Aparte di pintura tin un kantidat di kolekshon di asesorio. Ta bon pa kada hende pasa i tuma nota di loke tin na Museo Terramar.

Share This
error: Content is protected !!