KRALENDIJK – Fundashon Akademia Papiamentu tin komo meta promové, fortifiká i protehá papiamentu. Nos a nota ku mester di mas konosementu ku skirbimentu di papiamentu segun e ortografia ofishal. Pa e motibu ei nos lo bolbe duna kurso di ortografia den bario.

Djaluna dia 14 di sèptèmber 2020 lo kuminsá ku un kurso na Rincon. Lo tene e kurso un bes pa siman den edifisio di Cocari. E kurso lo kuminsá shet’or (7) di anochi.

Total e kurso lo ta diesdos (12) seshon di dos ora. Na final lo tin un prueba ku chèns pa hasi e prueba di nobo si no logra e promé bes.

E úniko kondishon pa por partisipá ta ku e partisipante mester dominá papiamentu.

Nos a tene kuenta ku e situashon ku Boneiru ta den aktualmente i pa nos ta hopi importante pa subi e konosementu di skirbimentu di papiamentu segun e ortografia ofishal p’esei lo kobra solamente $ 20 pa partisipashon.

Por inskribí via nos página di ‘Facebook’; Akademia Papiamentu, via imeil, akademiapapiamentu@gmail.com òf via WhatsApp na number +599786-6016.

Último dia pa inskribí ta djabièrnè 11 di sèptèmber 2020

Share This
error: Content is protected !!