KRALENDIJK – Gezaghèber Edison Rijna na nòmber di gobièrnu di Boneiru ta lamentá ku a hisa bandera di Boneiru kabes abou. Esaki a sosodé dia 6 di sèptèmber, riba dia di Boneiru. Loke a sosodé tabata den ora nan di mainta trempan i tabata notabel riba media sosial hopi reakshon tokante loke a sosodé. Gezaghèber Edison Rijna a reakshoná tokante loke a pasa i a menshoná ku ta trata di un fayo humano. “Ta algu ku a sosodé riba dia di Boneiru, i ta un insidente si nos por yam’é asina, ku nos ta lamentá. Manera a konstatá e situashon, a koregí loke tabata inkorekto. Ta trata di un fayo humano i ta di un departamentu ku ta kai bou di mi persona i lo atendé internamente ku e departamentu. Tin atenshon pa loke a sosodé dia 6 di sèptèmber mainta trempan na momentu ku a hisa e bandera”, gezaghèber Rijna a bisa. 

Share This
error: Content is protected !!