KRALENDIJK – Resientemente a papia durante reunion di konseho insular tokante abusu di ansiano. Ta notabel ku último lunanan, kasonan di violensia kontra hende di edat avansá ta oumentando. Diputado Nina den Heyer ta hopi prekupá ku e asuntu di abusu serka ansiano. E diputado a kontesta preguntanan relashoná ku e fenómeno, i a bini dilanti ku debí na e problema di ‘corona virus’, tin un oumento den petishon pa yudansa. Kombatí pobresa ta un tópiko hopi importante pa nos tur. Kada pasa un temporada nos ta wak kon ta bai ku e asuntu di pobresa. Debí na e situashon di COVID-19, ta notabel un subida pa loke ta trata petishon pa yudansa, di entre otro WEB i pago di hür di kas. Nos trahadónan sosial ta tene enkuentro den bario for di luna di yüli 2020, den diferente bario. Esaki pa por tuma nota di e hende kiko ta su nesesidat. Por komprondé ku no solamente esaki ta trese prekupashon finansiero, sinembargo tambe riba e parti mental di e hende. Por tuma nota di un oumento den yamada pa kasonan di abusu, no solamente kontra mucha i violensia doméstiko den kas entre pareha, Sinembargo maltrato di hende di edat avansá. Tokante esaki nos no ta papia awor, pasobra e ta poko tabú serka den nos komunidat. Ta algu ku nos a konstatá i e ta di sumo importansia pa duna atenshon, diputado den Heyer a bisa.

Share This
error: Content is protected !!