Kralendijk – Den kuadro di adelanto ekonómiko TELBO ta proveé henter Boneiru di un ret di fibra óptiko di velosidat haltu, ‘future-proof’ i sostenibel. Na aña 2015 e operadó lokal a kuminsá ku ponementu di su ret di Fiber to the Home . E proyekto di Fiber to the Home ta remplasá e ret di koper eksistente ku un ret di fibra óptiko kompletamente nobo i ‘state of the art’ riba kua ta bai konektá, òf a konektá kaba, tur kas, empresa i instansia. E ret aki ku a keda poné bou di tera na un manera sostenibel lo mehorá e konfiabilidat i disponibilidat di e servisionan di TELBO aun mas ainda. E ret ta hasi posibel pa e kompania lider di telekom durante e dékadanan binidero por sostené i fasilitá e pedido grandi pa servisionan di data, un pedido ku ketu bai ta kresiendo.

E promé bario ku TELBO a konektá riba e ret di Fiber to the Home na aña 2015 ta Amboina. Habitantenan di Amboina pa 5 aña kaba ta disfrutando di un konekshon stabil di internèt.

TELBO ta lamentá ku den media a sali un komunikado ku ta informá ku “TELBO ta pasa Fiber i bai laga tur buraku habri den Amboina”.

Na momentu ku e proyekto di Fiber to the Home a terminá den bario di Amboina, TELBO debidamente a laga sera tur kaminda ku a koba.

Den luna di ougùstùs un habitante di Amboina a aserka TELBO ku e situashon den e bario. TELBO debidamente a informá e habitante aki dia 25 di ougùstùs ku e burakunan habri den e bario di Amboina no ta di TELBO. TELBO a suministrá e habitante ku informashon na unda e por bai pa atendé ku e burakunan.

TELBO su propósito ta, pa ofresé e mihó servisio i produktonan ku e teknologia di mas avansá pa e pueblo boneriano.

Share This
error: Content is protected !!