KRALENDIJK — Tin informashon ku aparentemente tin kosnan straño ta tuma lugá riba e famoso app di ‘TikTok’ bou di muchanan bou di 12 aña. 

Ta trata di un plataforma konosí kaminda diferente persona rònt mundu ta hasi diferente baile òf ‘challenge’ i publiká esaki riba nan profil pa tur hende wak. 

Nos a haña informashon ku tin algun mucha di masoménos 8-10 aña di Boneiru, ku ta pone kosnan no apto pa nan edat riba nan profil. Ta trata di muchanan ku entre otro ta duna otro brasa i sunchi, graba esaki i pone riba nan ‘tik tok’ profil. Hopi mayor no ta na altura kiko tur nan yunan ta hasi òf publiká riba nan ‘tik tok’ profil, i p’esei nos ke trese dilanti pa ta mas kouteloso i kontrolá e yu nan ku e famoso app aki. 

Dor ku e app ta habrí pa tur hende, e mucha chikí tambe ta haña imágen i videonan pa wak ora ku nan ta deseá, pasobra e app ta habrí pa tur hende. 

Un mayor a konta ku e mes a mira e muchanan di entre 8 pa 10 aña hasi kos amoroso i pone riba ‘tik tok’, i komo ku hopi mayor no sa di e app aki, nan no por kontrolá e profil di e yu. 

Pues komo mayor, asumí responsabilidat i kontrolá e yu konstantemente sigur pa loke ta trata e asuntu di media sosial usando entre otro e famoso app ‘tik tok, e mayor a bisa. 

Share This
error: Content is protected !!