KRALENDIJK – Klupnan di futbòl afiliá na FFB ku ta e federashon di futbòl di nos isla ku ta miembro di Concacaf, tin te ku 30 di sèptèmber pa entregá e dokumentonan korespondiente. Siman pasá a bin na publisidat e echo ku tin mayoria klup di futbòl ku no a entregá nan dokumentonan pa ku “Club License” ku tur klup tin ku entregá pa kada temporada o sea kada kampionato. E aña aki te ku awó ta algun klup so a entregá di kua algun parti di e dokumentonan.
Te ku siman pasá di akuerdo ku nos informashonnan, tabata tres klup so di e 10 klupnan afiliá na FFB a entregá dokumentonan, unu a entregá parti di esakinan i segun nos informashonnan, e siman aki lo entregá tambe e lokenan ku falta i kumpli ku e eksigensianan tokante esaki.
Pero nos ta sinti falta di 6 klup mas ku tin ku entregá esaki na ofisina di FFB i tambe por manda esaki via mail.
Dokumentonan;

  • Kopia di statuto (si no a entregá esaki anteriormente).
  • Kopia diploma di “coach”nan, asistente di coach i coach hubenil.
  • Kopia di lista madre di hungadó.
  • Club budget den format di excel.
  • Club general form.
  • Club infrastructure form.
  • Club finance form.
  • Club youth development form.
  • Plan di desaroyo di hubentut.
    Si tin kualke pregunta tokante esaki, e klupnan por tuma kontakto ku sr. Steven Cicilia òf sra. Jehan Pourier na ofisina di FFB sentro du siudat.
    Sr. Steven Cicilia ta Club License Manager.
Share This
error: Content is protected !!