KRALENDIJK –Awe mainta alrededor di 10’or, hopi huma tabata  saliendo for di un kas, indikando ku paden di e kas ta na kandela. Aimed Ayubi di Radio Live 99.9 FM a tuma nota di e situashon i a trese esaki komo notisia di último ora. Ta trata di e kas pega ku ofisina di ‘ROA’, kaminda ta bende li. Hopi huma ta sali for di e kas i parti paden di e kas tabatin kandela. Tabatin un persona den e kas i parse el a purba paga e kandela i posiblemente debí na esaki, el a inhalá huma. Ambulans a bai hospital ku e persona kende tabata den e kas pa tratamentu médiko. Por komprondé ku su situashon ta stabil. Brantwer a presentá na e sitio riba kaya Corona, pa paga e kandela paden di e kas. A sera parti di e kaya pa asina por a atendé ku e situashon. A sera e skol pabou di e kas ku tabata na kandela, esta Kolegio San Bernardo. Kousa di e kandela no ta konosí i e ta bou di investigashon. E informashon aki Radio Live tin pa awor i momentu tende mas di loke a sosodé, ta informá di esaki.  

Share This
error: Content is protected !!