KRALENDIJK –Un kantidat di mas ku 30 empleado ta atendé ku e asuntu di ‘drive true’, pa por hasi mas tantu hende posibel e tèst riba ‘corona’ vírùs  ’. Awe mainta diferente persona a pasa pa hasi tèst na e sitio konosí, i ta un trabou inmenso esnan ku ta atendé ku e tèst tin. Ta hasi e trabou ku tur prekoushon posibel pa tur kos kana seif. Ta trata di un tèst ku ta tuma lugá algun minüt. Esnan ku ta ehersé e trabou ta den kontakto ku diferente hende, pues nan tin ku tuma tur medida pa nan ta seif. Awor ku e di tres persona a resultá un dòkter, mas i mas e kontròl ta intensivá. Despues di hasi e tèst na e sitio, ta manda tur kos laboratorio pa kontinuá ku e kontròl. GGD ta hasiendo un trabou grandi i poko poko nan ta hañando e direkshon kon pa hasi e trabou mihó. E number 0800-0800 ta funshoná. SI bo ta sinti síntoma ku por ta relatá na ‘corona’ vírùs, isolá bo mes i yama e number ariba menshoná. Awor Boneiru tin 7 kaso aktivo. Boneiru ke òf no, ta bai hañ’é ta atendé ku mas di e kasonan di ‘COVID -19’. Awe tardi gezaghèber ta bai duna mas informashon relashoná ku e último desaroyonan tokante ‘COVID-19’ na Boneiru. E meta prinsipal ta pa evitá ku e vírùs ta sigui plama riba e isla

Share This
error: Content is protected !!