MCB a instituí for di inisio di COVID-19 diferente forma di protekshon pa tantu nos klientenan komo empleadonan. Esaki ta inkluí e kantidat limitá di kliente ku por drenta den nos brènchnan pa asina mantené e reglanan stipulá di salubridat i di distansiamentu sosial.

Nos ta pidi nos klientenan pa por fabor bini Banko ku bo tapaboka bistí. Komo regla, nos ofisialnan di seguridat lo pidibo djis baha e tapaboka pa identifiká bo kara promé ku bo drenta den un di nos brènchnan pa hasi bo transakshon.

Pa evitá aglomerashon na nos brènchnan, nos ta pidi nos klientenan pa hasi uso mas tantu posibel di nos servisionan digital i ‘self service’ manera: Online Banking, tarheta di Bankomatiko, Bankomatiko/ATM (pa lanta i depositá plaka), Online Banking i nos servisio di 24/7 Deposit.

Maduro & Curiel’s Bank ta hasi un yamada na tur kliente i henter nos komunidat, pa por fabor protehá bo mes i protehá esnan rondó dibo. Pa evitá ku e pandemia akí ta sigui plama, ta importante pa un i tur mantené e reglanan ofisial di distansiamentu sosial, higiena i salubridat.

Laga nos tur duna di nos banda, pa nos logra Huntu Awe i Mañan!

Share This
error: Content is protected !!