Riba djaluna 14 di sèptèmber a drenta keho di ladronisia di dos skuter; un kolo maron/shinishi i un kolo kòrá di marka BTC, modèl Grande Retro. E skuternan, ku tabata na lòk ku un lòk di stür, tabata stashoná na un kompleho di apartamentusituá na Bulevar Gobernador Nicolaas Debrot. Entre 1 or di mardugá i 8 or di mainta, deskonosínan a bai ku e skuter. Algu mas lat a topa ku e skuter kolo kòrá den kura di un kas situá na Kaya Nijmegen kaminda probablemente e sospechosonan a dùmp e skuter. Bateria di e skuter aki tabata bashí i a mishi ku e wayanan. Ta investigando e kaso.

Riba djamars 15 di sèptèmber, alrededor di 10 or di mainta, sentral di polis a risibí notifikashon ku tin un kas situá na Kaya Korona, na kandela. Tabatin 1 persona den e kas ku ambulans a transportá pa hospital pa tratamentu médiko. Brantwer a paga e kandela ia ehekutá e kontrolnan di seguridat nesesario. Kousa di e kandela no ta konosí ainda. E kaso ta bou di investigashon.

Share This
error: Content is protected !!