KRALENDIJK – Caritas Boneiru kier enfatisá ku e pandemia di Covid-19 no ta diskriminá riba nashonalidat. Pa e motibu aki Caritas Boneiru, bou di direkshon di Pastor Ivan Dario Perez Gómez ta hasi e yamada aki na públiko en general i spesialmente na tur migrante si bo tin síntoma pa keda kas i yama 0800-0800.

Keda kas si bo tin entre otro síntoma manera keintura, no ta pruf òf hole di un dia pa otro, garganta ta hasi doló òf kishikí. Yama pa bo por traha sita pa por hasi tèst di Covid-19 libramente. E tèst ta grátis i solamente mester duna un number di kontakto pa por bèl i duna resultado di e tèst.

Caritas Boneiru ta hasi un apelashon na pueblo di Boneiru pa por fabor tuma nota di tur regla di gobièrnu pa mantené distansia i kumpli ku e instrukshonnan di higiena pa kuida bo mes i otro. Protehá bo mes bon tambe durante dianan ku ta èkstra kalor. Si bo no ta sinti bo mes bon, buska fresku i bebe awa.

Meta ta pa prevení ku e vírùs di corona ta plama na Boneiru. Importante ta pa sigui laba man ku awa i habon, mantené 1.5 meter di distansia, no mishi ku wowo, boka i nanishi.

Caritas Boneiru ta un organisashon humanitario internashonal ku ta para pa yuda esnan mas vulnerabel na Boneiru. Huntu nos por prevení ku e pandemia aki ta ekspandé na Boneiru.

Bo mester di yudansa urgente manda un whatsapp na +5999 5670691 na papiamentu òf +599 795-1352 na spañó i di forma diskreto lo yuda bo. Sede di Caritas Boneiru ta situá na Kaya Papa Cornes 47.

Share This
error: Content is protected !!