KRALENDIJK – Despues ku dosentenan prekupá ku ta miembro di ABVO a pidi atenshon serka Robert Sances, kende ta presidente di ABVO sekshon Boneiru, el a papia ku gezaghèber Edison Rijna i diputado Nina den Heyer, i el a risibí kontesta di nan.   

El a bisa ku entretantu gezaghèber Rijna i diputado den Heyer a reakshoná ayera atardi manera palabrá.  

“Awe djamars mèrdia ta bai tin un reunion ku kabesnan di skol. Ta trahando interno riba un protokòl kon pa aktua i kiko tin ku hasi pa evitá kasonan di ‘corona’ virus na skol entre otro. Si ta e kaso ku skolnan ta mihó prepará i tin regla estrikto si mucha òf dosente ta malu; esakinan no por bini skol. Si e situashon yega di tal forma ku tin kasonan na skol, por tuma pasonan pa sera skol. Desishon pa sera skol ta un desishon di gezaghèber abase di konseho ku e risibí di EBT.

Echo ta ku den nos afan pa atendé nos miembronan, a pone ku a aktivá empleadonan di GGD pa atendé e situashon di preokupashon i tambe duna informashon kon pa atendé i aktua. 

Un echo remarkabel ta: si laga sera skolnan pa un temporada, muchanan no ta keda kas, sino ta bai riba kaya. 

Di parti di ABVO nos tambe ke uni nos mes pa hasi tur loke ta na nos disponibilidat pa karga nos responsabilidat. 

Henter e asuntu aki a kue un buèlta sumamente preokupante ku ta trese kuné ku nos tur tin ku aktua manera debe ser pa evitá plamamentu di e vírùs. 

Mihó nos evitá, ku despues lamentá, Sances presidente di ABVO Boneiru a bisa. 

Share This
error: Content is protected !!