KRALENDIJK – Silvana Janga-Serfilia, direktor di e direktorado komunidat i kuido a menshoná ayera durante un konferensia di prensa, kiko tur a hasi pa e pueblo no haña hopi problema. “Nos a hasi tur posibel pa suavisá mas tantu posibel pa evitá ku e hendenan den komunidat ta haña nan ku hopi problema relashoná ku e pandemia di COVID-19. Manera por kòrda a parti paketenan di kuminda pa esnan ku ta den nesesidat, pakete ku loke nan ta hasi uso di dje pa loke ta trata higiena, tambe pakete di kuminda mainta pa muchanan. Nos a atendé ku hendenan di edat avansá i tur gremio nan den komunidat pa purba suavisá e doló ku e pandemia ta trese den kas di kada famia. Nos a purba yuda pa tur hende por mantené e balansa entre e parti físiko i mental. Durante e promé parti, momentu ku Coronavírùs a yega Boneiru, nos komunidat tabata hopi trankil. Asina nos a sigui prepará pa por si akaso kosnan intensivá. Na e momentu aki tin un grupo grandi den pueblo ku ta hasi pregunta dikon skolnan ta habrí apesar ku tin un kantidat di hende infektá ku e vírùs.

Share This
error: Content is protected !!