KRALENDIJK – Direktor di e direktorado komunidat i kuido sra Silvana Janga-Serfilia durante un rueda di prensa a bisa ku gobièrnu ta di akuerdo pa skolnan keda habri te kaminda ta posibel. Nos ta wak bienestar di tur mucha loke ta nos prioridat. Nos sa ku tin mucha mester di e yudansa pa nan por sigui desaroyá i progresá. Nos no ta deseá pa nos muchanan kai atras den enseñansa. Skolnan a tuma e desishon pa keda habri pa diferente motibu. Skolnan a informá nos ku e asuntu di mitar mitar apesar ku nan ta den preparashon, no ta kla pa por ehersé. Tin mas trabou ku mester tuma lugá pa e ta posibel. Por komprondé ku tin mas o ménos 20 pa 25 porshento di muchanan ku no ta bayendo skol pa un òf otro motibu. Tin algun ku ta pa motibu di malesa, otronan pa motibu di seguridat ku mayornan mes a tuma, i tin un grupo ku no ta na skol i e motibu di nan ta deskonosí. Sigur e tin nos atenshon i prekupashon. Pues ku e kantidat di mucha ku no ta bin skol, esaki a krea espasio pa esnan na skol ta sinta mas leu for di otro. Nos deseo ta pa tur mucha tin e fasilidat pa siña. Skolnan lo bai parti laptop pa muchanan por sigui lèsnan di skol na kas, si yega un momentu ku esei ta nesesario.

Entidat públiko ta komprondé e preokupashon entre e mayornan i personal. Nos a tene reunion ku tur skol, tur e unidat di skol sekundario i e kabesnan di kada skol i esnan na kabes di skolnan primario. Por skucha ku e skolnan a hasi tur loke ku nos a rekomendá, i a tuma tur medida pa salbaguardiá e seguridat di e muchanan na skol pa evitá ku e vírùs ta plama na skol. Temanan di diskushon tabata entre otro kon regulá e fluho di mayor i muchanan na un manera adekuá ora ta drenta i sali skol, kon pa mantené mas distansia posibel i kon pa intensivá e medidanan di higiena. Pues nos a hasi diferente palabrashon ku nan, i a tuma nota kon nan ta desinfektá e klasnan. Tin ‘hand sanitizer’ den kada klas i tin bon bista riba e muchanan ku ta vulnerabel i kon ta atendé ku tur e medidanan”,Janga a bisa.      

Share This
error: Content is protected !!