KRALENDIJK – Evert Piar, presidente di Fundashon Alzheimher Bonaire’ a papia durante e programa di ‘Brunch 99’ na Radio Live 99.9 FM. Tino de Palm a hasi entrevista ku Piar i a papia relashoná ku luna di sèptèmber ku ta e luna ku ta pone atenshon mundialmente na esnan ku ta sufri di e malesa demensia.

“Gran parti di mundu  ta enfrentá e asuntu di COVID-19, loke a stroba e selebrashon durante e luna di sèptèmber ku diferente aktividat. Tur programa ku tur pais a prepará no por a kontinuá. Na Boneiru nos no a lag’é bai, sinembargo a hasi diferente forma pa komuniká i konsientisá e komunidat tokante demensia.

Nos a entrega un rapòrt na gobièrnu di Boneiru, loke na otro paisnan tambe a hasi. Na Boneiru nos a purba hasi algu pa esnan ku for di mart  ta den un situashon fastioso debí na COVID-19. E situashon a impaktá e hendenan ku demensia fuertemente. Nos mester a kanselá e selebrashon grandi ku nos a plania pa organisá. Hopi di nos no ta para ketu ku e grupo mas vulnerabel, ta esnan ku ta haña ménos atenshon. Ta bon pa nos para ketu i duna un mas, i koperá ku esnan den nesesidat. Ta bon pa sa kiko ta biba den e mundu di demensia.

COVID -19 tin impakto riba nos tur. Tur gobièrnu rònt mundu tin ku tuma nota kon tin ku  atendé ku esnan ku tin demensi. A manda un karta, meskos ku ta e kaso na otro partinan di mundu, kada un ku nan konsepto di e lugá. E kabes di e kontenido di e karta ta yama tur gobièrnu mundialmente pa na unda nan mester pone nan prioridat. Nos komunidat mester ta konsiente kon un persona ku demensia ta biba”, Piar a bisa.     

Share This
error: Content is protected !!