KRALENDIJK – Kabes di skol Kolegio Kristu Bon Wardadó, yùfrou Carinne Thielman a manda karta awe mainta pa tur mayor ku tin yu den grupo 8B. Den e karta ta informá ku tin un alumno ku a tèst positivo pa COVID-19.

“Pa medio di e karta aki nos di partisipá na mayórnan, ku awe mainta nos a haña notifikashon, ku tin un alumno den grupo 8B a tèst positivo pa COVID-19. 

Pa e motibu aki nos ta manda tur mucha di grupo 8B kas awe djaluna 28 di sèptèmber 2020, pa evitá ku e kontagio ta ekspandé. 

E alumno nan lo keda dos dia kas. Awe djaluna 28-09-2020 i djamars 29-09-2020. 

Skol lo sòru pa desinfektá e lokal rigorosamente. 

Nos ta urgí mayornan pa bin buska e yu na skol awe mainta mas pronto posibel. 

Nos ta pidi mayornan pa vigilá e salú di e yu. Si e yu tin un di e siguiente síntoma nan: doló di garganta, tosamentu, fèrkout, pèrdida di smak, benout, nanishi ta kore, keintura i doló di kabes, nos ta pidi por fabor laga e yu bai tèst. Si e yu a tèst negativo, lag’é 2 pa 3 dia na kas pa siguransa. 

Nos ta spera di a informá mayornan sufisiente”, yùfrou Thielman a bisa den e karta na mayornan.  

Share This
error: Content is protected !!