KRALENDIJK – Djamars trai mèrdia un outo tipo SUV blanku a drenta parsialmente den e restourant chines Family riba Bulevar Gobernador Nicolaas Debrot. E restourant ta konosí tambe komo Zhung Kong nobo na Hato.

Informashon ku Radio Live 99.9 FM ta disponé di dje di testigunan na e sitio ta indiká ku un SUV (Outo 1) ku tabata koriendo den direkshon nort pa bai Hato, a bai pasa un bùs. Na momentu ku e tabata pasando e bùs, el a nota un pikòp oraño dòbel kabina (outo 2) ku tabata saliendo for di un kaminda di tera dilanti e restourant pa subi Bulevar Gobernador Nicolaas Debrot. Shofùr di outo 1 a purba hala pa e outo, pero no a logra i a lastra brek, dal den banda robes patras di outo 2, pèrdè kòntròl riba su stür i kore bai drenta kasi mitar di e outo den e negoshi ya menshoná. Momentu ku e SUV a dal den e porta di e entrada prinsipal di e negoshi, el a alkansá un dama chines trahadó. Ambulans a transportá e víktima pa hòspital pa tratamentu médiko. E kabayero shofùr di e vehíkulo a sali ileso for di e aksidente.

E kaso di e aksidente ta bou di investigashon. Potrèt ta ilustrá kon e situashon a keda despues di e aksidente. 

Share This
error: Content is protected !!