KRALENDIJK – Direktiva di S.V. Estrellas ta sumamente kontentu ku gran parti di nos hendenan a kuminsa buta nan konfiansa bèk den e klup di futbòl di Nort Saliña.

Tin un hóben ku ta gosa kon e direktiva a buta s.v. Estrellas bèk riba pia.
Ta trata di e hóben sr. Christopher Frans, ku ta un hóben ku a mira kon e hungadónan i “coach” i e staf kompletu ta profilá nan mes, pa kua el a aserká presidente sr. Ricardo (Cado) Alberto, pa e por koperá ku e klup di futbòl aki ku bala.

Mirando kon den korto tempu e klup a lanta su U-nan i ku awó nan tin 3 U, e ta hopi gradisido na e fundadónan di e U-nan ku ta Germain Alberto.
Christopher a disidí ku e ta yuda tantu e “U”-nan i tambe seniornan ku 5 bala pa nan kada kategoria.

Segun presidente sr. Alberto, e direktiva ta hopi kontentu ku e gesto aki mirando e kolónan ku e balanan tin ku ta hel ku blou ku ta koló original di e klup di futbòl aki di Nort Saliña. Direktiva ta sigui konta ku e konfiansa aki. Tambe e direktiva ta partisipá ku si tin kualke persona o instansia ku ke yuda e klup esakinan ta mas ku bonbiní. Tur ayudo pa e klup i tambe e kluphùis, ta bon biní serka e direktiva di e klup. E direktiva ta keda pendiente ya ku tin mas kos na kaminda.

Anke ku e Covid-19 ta bringa nos, pero ku Fe den Senior nos ta logra huntu.
Esaki e presidente, sr. Ricardo Alberto ta trese dilanti.
Riba potrètnan momentu ku sr. Christopher Frans a hasi entrega di e 10 balanan na s.v. Estrellas di Nort Saliña.

Share This
error: Content is protected !!